رسالة نارية من متفقد المصالح المالية إلى رضا شلغوم

هدد متفقد المصالح المالية رضا المعلاوي بإصدار تقرير رسمي يقع تداوله لدى وسائل الاعلام ولدي اعضاء نواب الشعب وذلك حسب ما يدعيه في رسالته الموجهة إلى وزير المالية الحالي رضا شلغوم الذي ، حسب ما جاء في الرسالة، تحتضن في وزارته تجاوزات لا تحسب ولا تعد. هذا نص الرسالة:

الى السيد رضا شلغوم وزير المالية
انا رضا المعلاوي متفقد المصالح المالية..لم يوصيني النبي محمد على امته و لم يكلفني ربي بعباده..اما انت فوزير في حكومة يوسف الشاهد و اوصاك بالمالية و كلفك بمحاربة الفاسدين حتى و لو كانو من المقربين.
تذكر جيدا سيدي الوزير :
1-انك في شهر ديسمبر 2010 استدعيت استعجاليا و على جناح السرعة كل من هشام بن حميدة المدير العام بهيءة الرقابة العامة للمالية وتحديدا زوج السيدة حليمة بحار المديرة العامة للمحاسبة العمومية حاليا و السيدة حبيبة الجلاصي المدير العام للمحاسبة العمومية حينها و بالدارجة ( مزبلت بحالهم ) و وجهت لهم عديد الشتاءم و حملتهم مسؤولية التستر على استيلاءات من خزينة الدولة بلغت ما يناهز العشرة مليارات.و بعضمة لسانك قلت لهم حرفيا : ( غللطتو رشيد كشيش في رضا المعلاوي و ذبحو بالعزل حرام في حرام و الراجل يحكي في الصحيح و تقاريرو صحيحة) ..ياخي سيادتك اليوم رضا المعلاوي باش يكذب عليكم ؟؟
2- سي رضا شلغوم تتذكر كيف وقت هبل عليك زين العابدين بن علي في جانفي 2011 قبل الثورة بجمعة و قالك رجع رضا المعلاوي لخدمتو حالا و عينو في جهاز رقابة و تفقد على المال العام و سيادتك عطيت قرار و أوامر لأمال الجباري حرم المديني الكاتب العام للوزارة حينها لاستصدار قرار رجوعي للعمل و تعييني في ال CGF..?? وقتها سي هشام بن حميدة حرم حليمة بحار كلمتو سيادتك باش يعطيني بيرو بحذاه و يحضرو لرضا المعلاوي و تعرف سيادتك اش قال سي هشام حرم بحار ؟؟؟ قال شلغوم باعثلي رضا المعلاوي باش يعريني و يعرري زملاءي و المسؤولين في الوزارة..و ما صارش التعيين و الرجوع لانو امال الجباري داخلة في العصابة…توا رضا المعلاوي باش يكذب على حليمة و راجلها؟؟؟ او امال و غيرها و زيد ثببت خويا مع جلول عياد وقت سرقولو المعطف متاعو و الكمبيوتر المحمول متاعو وأمال الجباري هيا المتهمة الاولى في سرقة جهاز الكمبيوتر المحمول متاع جلول لأنو اقالها من منصبها كاتب عام وزارة حال لقاءي به 9 فيفري 2011 و جمال بالحاج يومها يدافع عنها و عن خورها و تجاوزاتها.
ما نطولش عليك سي شلغوم و هاو خنار وزارتك في المحاسبة العمومية الاستخلاص.:
١- في بالك الي 2,8 مليار مسروقة من خزينة الدولة متورط فيها رضا الخماري صاحبك و عندما أراد عبد اللطيف الدشراوي تصحيح خطأه في عدم احالة التقرير للعدالة و طلب تحيين تقرير التفقد لأجل توجيهه للعدالة تقلبت الامور بعصابة الخماري و وقع اقالة خديجة دبيرة من ادارة التفقد و تعويضها بالمجرم منير عاشوري و في بالك انو المشرف على التقرير في ادارة التفقد عادل العوني بعثو الخماري محاسب سفارة تونس في الجزاءر الشقيقة في عملية ابعاد الشهود الرسميين على جراءمهم. وفي بالك الخماري لعب لعبة للدشراوي و زقبوه في امضاء شهادات في رفع اليد بمكيدة و تحريض من شرذمة الخماري و من بينهم سندة سكريتيرة الدشراوي التي أبعدها الدشراوي ثم استمالها لمعرفة الفخ الذي ساهمت فيه و بعدها تخلى عنها في مقر البحيرة بعد ان تأكد من ضلوع الخماري في توريطه …هاذا الكلو في بالك بيه و ساكت و التقرير ما وصلش للعدالة و سيادتك رجعت المجرم الخماري يصول و يجول خاطرو صاحبك و عشير عمرك…من وقتاش تعرف رضا المعلاوي يكذب على خلق ربي سي شلغوم ؟؟؟؟
٢-تعرف الي بليارات من الديون المثقلة وقع تعمد اسقاطها بمرور الزمن بعد ان حللت حليمة بحار حرم هشام بن حميدة محل من هو اكثر مدير عام نزاهة و ثقة و جدارة و كفاءة سي جلول الجميلي استاذك و مدير الاستخلاصات سابقا ؟ و الذي تشهد له انت شخصيا مهما كان منصبك بأنه من أنجح العفو العام الأول و الثاني في الديون العمومية 2006/2007 و لولاه لما نجح العفو العام و لما تجاوزنا الازمة المالية في احلك و اوج ضروفها و بمساهمة مبروك المعلاوي أيضا بدراساته و متابعته اليومية للشأن المالي العالمي. و لكلها اعمال سمسرة متاع سي هشام بن حميدة حرم حليمة بحار الذي وقع تهريبه لمصر في تكليف بمهام بعد الثورة و تحل محله زوجته لتغطية ما تبقى من جراءم في حق المال العام ؟؟
٣-توصل بيك الجرأة سي رضا شلغوم تعطي تعليمات بعدم احالة ملف الحبيب الخليفي للعدالة لأنو ولد جهتك قفصة و رغم انو جممعلك حشد رهيب جانفي 2011 من وزارة المالية و قالولك DEGAGE و ترى فيه بعينيك من شباك مكتب الكاتب العام للوزارة يصيح عليك و على طاقمك في الوزارة و ما راش نهار انك انت من عينه رءيس مركز رغم انه معارض في حكم بن علي ..غالط رضا المعلاوي يا سي شلغوم ام انك نسيت انو كنت نتصل بيك هاتفيا رغم انك مطرود من الوزارة بعد 2011. عيب عليك ترضى بالمجرمين يمرمدو الرجال.عيب الغدرة و تعرف شكون تشهر بيها في ااجمهورية التونسية !!..شكون قالك نهارتها راك نظيف و يحييك الحي و ترجع لانك ولد الادارة ماكش ولد التجمع ؟؟؟ موش رضا المعلاوي الي عامل روحك ما تعرفوش ؟؟ قلقتكشي سيادتك او طلبت منك حاجا ؟؟ او قابلتكشي نهار او لحستلك صباط كيف ما يلحسولك في صباطك المجرمين و المنافقين..انا من احرار بنزرت أرض الجلاء و مانيش هامل أو ساقط كيف غيري..و الايام كفيلة بتدوين التاريخ و ليس الجبناء.
٤- تعرف الي رضا المعلاوي اول من عارض اوامرك المسقطة بالراءد الرسمي و مقترحات فصول قانون المالية 63و64 و قالك راك تجاوزت القانون و خرقت الدستور في اصدار الاوامر؟؟ تعرف اكيد !! و لو اني كما تنعتني النقابة بعميل الوزير لما ساهمت في الاحتجاج و نجاح الاضرابات رغم طحين الطبوبي و الجامعة المالية و بعض الانذال و السماسرة في المكتب التنفيذي للاتحاد و راهو مستعد نعريهم شخصا شخصا.. و اتهنى و اطمان راهو تقدر تطفش النقابة و ما تعطيهم حتى قيمة و تحقرهم كيف الكلاب لأنهم مبلوكين و عاجزين و طاح قدرهم و لا فاعلية لهم مستقبلا و لن ينجح لهم اضراب أو احتجاج مستقبلا. لان رضا المعلاوي عرراهم و فضح فيهم البعض و البقية أدخر لهم ما تيسر على رأسهم الطبوبي.
٥- تعرف انو رضا الخماري متورط في اكبر قضية و هي قضية تمويل التجمع المنحل من خزينة الدولة و المال العام و هو الرأس المدبرة لذلك و اذا تحب نسميلك شكون تساند فيه هي اليوم رءيسة حزب سياسي و ملياردير نساووه التوانسة تاو نسميلك و نذكرك .لكن للاحتياط لا .مانيش ساءج..و تتجرأ على طلب حفظ الملف لدى سي السماعلي مدير الشؤون القانونية بالوزارة خلفا للقاضية من الدرجة الثالثة سارة الوسلاتي المحالة ..و تعرف ان هذه الاخيرة هددتني بمكالكمة هاتفية مسجلة عليها بعدم تدخلي في الموضوع و حينها رءيس ديوان الوزارة محمد شويخة .
٦- تعلم انك صرحت بمجلس النواب عن عزم الوزارة ارساء المركز العام للنداء و الاستقصاء بوزارة المالية و هو مقتبس واضح من مشروعي الذي و جهته لك و انت وزير مستشار لدى السبسي بتاريخ 18 فيفري 2016. و طلبت مزيد التوضيحات و المقترحات و تحديد لاليات العمل فيه و أنت مدير ديوان الشاهد بالحكومة و كان كذلك كما طلبت.و لعل سهام بوغديري نميصة المديرة العامة للتشريع الجباءي هي من أشرفت على دراسة مقترح مشروعي و أصرت على احداثه مع تعاقب ثلاثة وزراء أنت سيادتك رابعهم ..ثم تصل الدناءة بادارتك باتهامي بالجنون و الدجل ..ما يحشموش على انفسهم حجاج بيت الله في مصالحك و انت تسمع و لا تحرك ساكنا..نهنيك راهو اعظم الخلق خلقا قالو فيه اكثر من ذالك..لعلمك عطاوني كأس ماء في الادارة قالولي ماء زمزم جاباتو حليمة بحار من بيت ربي ياخي اتضح انو ماء صابرين…سميتو من وقتها ماء شرم الشيخ .
٧- تعلم جيدا سي رضا شلغوم ان اداراتك المركزية اليوم فيها تصفية حسابات شخصية و حسابات قديمة و لن يهلك فيها الا الماكرين و الفجرة و المنافقين..و زد على ذلك تنحني لطلبات جامعة المالية في تتبع رضا المعلاوي اداريا و عدليا و نسيت يوم استاء السيد غازي الجريبي من زين العابدين بن على و قال له بالحرف الواحد فلتترك ادارتك رضا المعلاوي و شأنه فالرجل يتكلم بصدق عن اهدار المال العام و كان ذلك حين قدم له التقرير السنوي للمحكمة الادارية جوان 2009..يأتي اليوم عبد الله القمودي دنيء المستوى الذي طردته و وفده من مكتبك بنفسك و أعطيتموه ترقية غير مشروعة قانونيا لتعطي له الضوء الأخضر في الاعتداء اللفضي على خيرة اعوان وزارتك و تحريضه شرذمة نقابيين أياديهم ملوثة بسرقة المال العام و التدليس و مسك و استعمال مدلس و افتعال وثاءق و سمسرة مع الخماري و ذويه في التسميات و التعيينات و الترقيات..راهو عيب عليك سي شلغوم !!!..موش عيب سي رضا شلغوم تعرف عصابة النقابة و ما تمضيش على قرارات تلغاء ترقياتهم اللاقانونية..و تعطي الضوء الاخضر للمديرة العامة للمحاسبة العمومية و المجرمين زبانيتها الذين يقودونها مثل الانعام لهرسلة رضا المعلاوي ؟ الم يكن من الاجدر تتبعك للفاسدين ؟؟؟
٨-تعلم ان هناك عصابة تنهب منتجات الاختصاصات (دخان) و تبيعه بالسوق السوداء و تعلم ان القباض الذين عينهم رضا الخماري على قباضات منتوجات الاختصاصات هم يديرون هذه العمليات ما عدى البعض منهم و هي عصابة الخماري بالاساس و تشتغل هذه العصابة منذ ما قبل 2007 و رأسها المدبر تحت حماية الخماري و رعايته و تعرفو مليح سي نور الدين رزق ( حمودة سابق) ولد التجمع و العضد الايمن للخماري و بعثتلك معطيات تحركاتو و أعمالو و حتى تقرير احالتو على التأديب 2008..( كول و وككل).. تعلم هاذا جيدا و وصلتك تقارير رسمية و لم تحرك ساكنا لأنه صديقك و عشير عمرك..شكرا لك سي رضا شلغوم على مؤازرة المجرم رضا الخماري ..سيقارو تونسي الصنع تشريه بالمعارف.
٩- تعلم أن منظومة رفيق فيها تاريخ حافل في تغيير و تدليس و افتعال للمعرفات الجباءية و ارقام بطاقات التعريف و بطاقات الاقامة و غيرها مما يكلف خزينة الدولة الاف المليارات خساءر سنوية..تعلم هاذا جيدا سيدي الوزير و طلبت منك صلب مقترحي و مشروعي الاذن لي بخطة وظيفية تكميلية في المركز لعام لأجل الاصلاح و وعدت بذالك و لكن عصابات اسقاط الديون و العبث باستحقاقات الدولة و امتيازاتها التي تساهم معهم حليمة بحار و هي أول من عارض منذ امد بعيد حالو دون ذلك و هاهم يهرسلون رضا المعلاوي و يريدون التخلص منه خشية تعريتهم و تعرية افعالهم..بالله عليك ان لم تأذن انت بذلك فمن سيأذن ؟؟ تحب حليمة و الخماري و العاشوري المتورطين يأذنو بذلك.؟؟؟ اذا تخمم في المعلاوى راو عندو رب يحميه.
١٠- ختاما فانك تعلم و اعلمتك و ها انا أذكرك لألا تقول انك لم تعلم امام العام و الخاص و مؤسسات الدولة و رءاسة الحكومة و رءاسة الجمهورية و أعضاء البرلمان ان عصابات التهرب الضريبي و المتغلغلين في مفاصل الادارة قد استباحو حرمة المحاسبة العمومية و الاستخلاص و على رأسهم أكبر متهرب ضريبي منذ الثورة و اكبر متحيل على اجهزة الجباية التي اخترقها بمجموعة انتهازيين و عملاء هو الاتحاد العام التونسي للشغل..تعرف مليح سي شلغوم انو ثمانية سنوات لم يدفع الاتحاد فلسا واحدا لخزينة الدولة من مرابيحه و استثماراته و موارده التي تعد بالبليارات و ليست مليارات…راجعو حسابات شريككم في الحكم قبل مطاردة باءعي البنزين و مهربي السجاءر امام عصابات الاحتكار لمنتوجات الدولة و اختصاصاتها تغول الاتحاد على الدولة الهزيلة المنهكة..شوف تنامي ثرواتهم في الاتحاد و الكسب الغير مشروع و الاثراء الغير مشروع..ناس سكورتي بسيارات أمنية يا معلم و سيادتك وزير مكسبك ساءق و مرافق قل ما رافقك..موش مشكل !! معاك ربي يحرسك و يحميك.
ختاما شكرا على رحابة صدرك سي رضا شلغوم واتمنى ان الرسالة قد وصلت لغاية تداركك الاوضاع قبل المساءلة في البرلمان. شكرا
رضا المعلاوي

المصدر/المساء