زيارة فجئية لياسين العياري لميناء حلق الواد..

قام النائب ياسين العياري بزيارة فجئية الى ميناء حلق الوادو دون على صفحته الاتي
” الفكرة كانت زيارة فجئية تماما بدون إعلام أحد ليلة عيد، ينجم يكون فيها برشة ستراس : الناس تحب تروح و تكمل فيسع و كيف كيف الي يخدموا غادي.
في الباب إرتبك الشرطي، و قعد يعمل في التاليفونات، يستنى في التعليمات، و يشاور.
ما ستنيتش لين تجي التعليمات، و دخلت.. دخلت لكل مكان و في عمق الميناء.
لسوء حظي البابور وصل بكري، كان المفروض الخمسة ياخي وصل الأربعة.. كيف وصلت لم تبقى الكثير من السيارات.
جماعة الديوانة خلاوني ندور، نحكي مع الناس منغير واحد لاصقني و أجابوا على كل أسئلتي بدون حسابات.
تكلمت مع الناس، الي شكرهم و الي شكالي منهم، و تحلت بعض المشاكل.
حكيت مع الجميع، سمعت من الحمالة، من الديوانية، من الشرطة، من المواطنين.
الهدف لم يكن تصيد الغلطة أو الزلة لأي كان، بل الرصد و السماع للإقتراح.. فالنائب قوة إقتراح .. و الحمد الله خرجت بعديد من الإقتراحات التي قد تغير الأمور، بعيدا عن جو الزيارات المرتبة سلفا، الفلكلورية.
عند عودة العمل في المجلس، سأحاول إيصال الإقتراحات و الضرب عليها بالوسائل الي يسمح بها القانون، لما فيه خير الجميع.”